Yüksək güc tələb olunan sahələrdə dizel generatorlara üstünlük verilir. Tikinti meydançalarında, istehsalat sahələrində və böyük obyektlərdə daha çox rast gəlinhir. Çünki bu tip generatorlar uzunmüddətli yüklənməyə davam gətirir. Benzin generatorlar isə daha çox evlərdə, bağ sahələrində və qısa müddətli ehtiyaclarda istifadə olunur.
Benzin yoxsa dizel generator daha az yanacaq sərf edir?
Eyni gücdə iki generator müqayisə edildikdə dizel modellər adətən daha az yanacaq sərf edir. Bu fərq qısa müddətdə ciddi görünməyə bilər. Amma generator hər gün saatlarla işləyirsə, aylıq xərclərdə fərq hiss olunur. Benzin generatorlar isə daha çox yanacaq sərf edir. Xüsusilə yüksək yük altında işlədikdə sərfiyyat artır. Davamlı istifadə zamanı ümumi xərc yüksələ bilər.Dizel generatorların ilkin qiyməti adətən daha yüksək olur. Qiymət fərqi mühərrikin quruluşu və material keyfiyyəti ilə bağlıdır. Lakin uzunmüddətli istifadə zamanı yanacaq qənaəti bu fərqi müəyyən qədər balanslaşdıra bilər. Benzin generatorların alış qiyməti daha münasibdir. Az istifadə ediləcəksə, daha məntiqli görünə bilər. Amma intensiv istismarda yanacaq və texniki xidmət xərcləri nəzərə alınmalıdır.
İstifadə sahəsinə hansı generator daha uyğundur?
Ev şəraitində adətən soyuducu, işıqlandırma, kombi və bir neçə məişət cihazı işlədilir. Bu tip yüklər üçün orta gücdə benzin generator kifayət edir. Səs səviyyəsi də burada vacib amildir. Yaşayış zonasında daha sakit işləyən modellər üstünlük təşkil edir. Bağ evlərində isə istifadə fasiləli olur. Generator uzun saatlar işləmirsə, benzin variant etibarlıdır.Tikinti sahəsində vəziyyət fərqlidir. Qaynaq aparatı, kompressor və digər güc tələb edən avadanlıqlar istifadə olunur. Bu halda dizel generator daha uyğun sayılır. Çünki fasiləsiz və stabil işləmə vacibdir. Obyektlərdə də eyni vəziyyət müşahidə edilir. Restoran, istehsalat və ya iri mağaza üçün generator ehtiyat enerji mənbəyidir. Burada davamlılıq əsas meyardır.
Hansı hallarda dizel, hansı hallarda benzin seçilməlidir?
Generator daimi və uzun saatlar işləyəcəksə, dizel daha uyğundur. Yüksək güc tələbi varsa və yüklənmə sabitdirsə daha dayanıqlı nəticə verir. Uzunmüddətli baxışda yanacaq sərfiyyatı da nəzərə alınmalıdır. İstifadə qısa müddətlidirsə və generator ehtiyat variant kimi saxlanılırsa, benzin generator kifayət edir. Daşınma rahatlığı da bəzi hallarda ön plana çıxır. Kiçik həcmli işlər və müvəqqəti ehtiyaclar üçün bu seçim əlverişlidir.Qərar istifadə intensivliyinə, güc tələbinə və planlaşdırılan müddətə bağlıdır. Hər iki variantın üstün və məhdud tərəfləri var. Əsas məsələ real ehtiyacı düzgün qiymətləndirməkdir. Generator seçimində texniki göstəricilər və istismar şərtləri əsas götürüldükdə, seçim daha yaxşı olur.